BE.333 Logu no.75
JESUS HINAPOSAN NI

Ayat 1
Sai banuaginjang do Situjuon ni rohanta
Holan paisolat do Hita di banuatonga
Pardagangan tano i Surgo do sambulo i.

Ayat 2
O Tondingku tuju ma Surgo i haroroanmu
Tano on tundalhon ma Na so tau parmiananmu
Surgo do tinuju ni Na torang marroha i.

Ayat 3
Jesus do mandok tu au: Sai tu ginjang ma tujui
Asa unang ho mandao Sian sambulom adui
Ia tong hingot i Sahat au muse tusi.

Ayat 4
Sai tu ginjang au, manat Do tinatap ni rohangku
Parjambaranki na hot Na di lambung ni Amangku
Nang tiur pe bintang i Marsinondangan do i.

Ayat 5
Sai tu surgo ma au lao Hitengki ma hamatean
Jadi sai malua au Sian nasa hasusaan
Jesus pajolohon au Ipe las rohangku lao.

Ayat 6
Holan surgo i nama Siringkotan ni tondingku
Asa gotaponku ma Roharoha ni dagingku
Surgo do tujuanki Paima sahat au tusi.
